Antaŭ cent jaroj forpasis Profesoro Carlo BOURLET (1866 – 1913), unu el la plej famaj francaj matematikistoj/esperantistoj, plej proksima kunlaboranto de Doktoro ZAMENHOF kaj redaktoro de LA REVUO eldonita de la franca eldonejo HACHETTE. Li travojaĝis Francion cele al promociado de Esperanto.

Sabate la 5-an de Oktobro 2013 okazos depono de floraro sur lia tombo fare de lia 91-jara nepo Charles BOURLET (Strasburgo) kaj lia 29-jara prapranepo Pascal MEISSNER, esploristo kaj docento ĉe la universitato de Karlsruhe (Germanio).

Omaĝan paroladon faros Sinjoro Pascal MEISSNER.