Espéranto Paris Île-de-France

Esperanto-Festo

Didier Janot — 2025-11-30T05:00:00Z

Esperanto-Festo okaze de la Zamenhof-tago

kun kanzonoj… dancoj… amuzaj rakontoj…

Sabato 13 decembro 2025

17-19 rue Traversière, Paris 12^e
(salle de conférences)
Metroo Gare de Lyon

Komenco je 14:30

PROGRAMO

Unua parto
• Enkonduko
• Dancoj
• Kanzonoj
• Filmetoj
• Prezento de libroj
• Ĥoro de Lutèce

Paŭzo kun lotumado

Dua parto
• Rakontetoj de Raymonde
• Spektaklo de JoMo 🎤 🤹‍♂️ 🎸

Fino ĉirkaŭ 17:30

Por ĉiuj !

Fête de l'association

Didier Janot — 2025-10-30T10:33:32Z

Espéranto Paris-Île-de-France a 125 ans !

À cette occasion, l'association invite ses nouveaux membres et aussi les anciens à une rencontre festive avec gâteaux et boissons.

Si vous n'êtes pas encore membre dépêchez-vous d'adhérer ou ré-adhérer !

Samedi 29 novembre 2025, de 17h00 à 19h00.

Espéranto Paris-Île-de-France
4bis rue de la Cerisaie (entrée à l'angle de la rue Jacques Cœur)
75004 Paris
Métro Bastille ou Sully-Morland

Les nouveaux membres sont les bienvenus !

Pikniko

Didier Janot — 2025-07-01T04:00:00Z

Venu vespermanĝi sur herbejo kaj esperante babili en malstreĉa etoso.

Sabate la 12-an de julio 2025, place des Vosges (Parizo, 4a distrikto).

Serĉu la verdajn ĉapelojn aŭ flagon de Esperanto !

Kunportu manĝaĵojn kaj trinkaĵojn por kunpartigi.

Senpaga evento !

Por renkonti aliajn Esperanto-parolantojn kaj babili en agrabla etoso.

Biciklado en valo de Chevreuse

Régis Fournier — 2025-05-04T19:44:30Z

Facila biciklado kaj komuna pikniko

La biciklado okazos je Sabato 10a de Majo, en la valo de Chevreuse, sud-okcidente de Parizo. Nia cirkvito longas je proksimume 25 kilometroj.

Ni rendevuu ĉe la RER-a trajnostacio Saint-Rémy-lès-Chevreuse ĉirkaŭ la 10-a matene.
Nia unua etapo en Chevreuse estos : paŝi laŭlonge de la Venezi-aspekta kanalo de «la pontetoj».
La dua etapo, post vizito en la preĝejo, estos en la malnova kastelo «de la Madeleine», kiun ni atingos piede tra pado tre klina.
Ni piknikos en arbaro. Ĉiu kunportu sian manĝaĵon (eblos bazarumi en Chevreuse).
Post-tagmeze ni vizitos Port-Royal des Champs (prezo : 1,00€), kie, en la 17a jarcento, renkontiĝis intelektuloj (iuj religiaj, aliaj laikaj) kiuj ĉi-tie trovis «solecon», t.s. eksiĝon el la mondo. Kvankam la afero pri Port-Royal estas tre malsimple resumebla, ĝi tamen klare finiĝis kiam la reĝo Ludoviko la XIV-a detruigis la abatejon, komence de la 18-a jarcento. Ĉion konsiderante, tiu afero iel anoncis la jarcenton de la «lumuloj» («klerismo») kaj la Revolucion ; ĝi ankaŭ montras kiel, foje, potenculoj punas sendanĝerulojn.
De Port-Royal, eblos reiri Parizon per RER-trajno en Trappes, aŭ daŭrigi la ekskurson por reveni al Chevreuse.
Je la rivero Yvette ni vidos naturon kiu similas kiel en la arbaro de Fontainebleau.
Ni rigardos la kastelon de Dampierre, antaŭ la reveno.

Mapo de Cassini, de la 17a jarcento, IGN

Ni rendevuos ĉirkaŭ la 10a matene en la fina staci-domo de RER-B, en Saint-Rémy-lès-Chevreuse. Bezonatas nur unu ordinara tikedo «Métro-Train-RER» por vojaĝi kun la biciklo (kaj dua tikedo por reveni !). Notu : la rajto transporti biciklon ne validas en ordinara metroo, parizanoj nepre entrajniĝu ĉe RER-stacio, kiel Cité Universitaire, aŭ... Port-Royal !

Manifestacio je 1a de Majo

Régis Fournier — 2024-04-27T04:00:00Z

Kiel en la pasintaj jaroj, esperantistoj de la Pariza regiono rendevuas je Merkredo 1a de Majo 2024, ĉ 13h ĉe SAT-Amikaro, 132-134 bulvardo Vincent Auriol, por iri en placon de La Respubliko, aŭ rekte rendevui sur la placo mem, je strato de Faubourg du Temple ĉ 14h.
Esperanto nuntempe pli ol iam ajn evidentiĝas kia konstruero de la sola travivebla mondo, mondo de ĉiuj pacemaj interparoloj.

Raporto pri la manifestacio de 1a Majo 2024 en Parizo.

Proksimume 15 gekolegoj de la Pariza regiono renkontiĝis tiuokaze. Ni ankaŭ renkontis plurajn aliajn E-istojn (unu de Groupe Espérantiste Périgourdin) aŭ lernantojn, kaj notinde iun maljunulinon, kiu eklernis en 1960 : ŝi tiom kontentis renkonti E-istojn, ke ŝi kisis Marjan. Ni ĉesis nian defiliron, kiel kutime, ĉe la sidejo de Esperanto-France.

Manifestacio 1a Majo 2024

Amuzaĵo : ĉi-jare multaj biciklistoj sub-pasis bicikle sub nia granda flag-rubando !

Raporto pri la manifestacio de 1a Majo 2023 en Parizo.

Nia flag-banderolo estis videbla en la televida informbulteno de «LCI» (= «La Inform-Kanalo») :

Flagrubando « ESPERANTO »

Nia flagrubando « ESPERANTO » estis videbla en la ĉe-l'momenta informbulteno de iu televida kanalo ; 1a de Majo 2023.
Notre banderolle « ESPERANTO » a été visible dans le bulletin en direct de LCI ; 1^er Mai 2023.

Anonco de 2022 : Esperantistoj de la Pariza regiono rendevuas je la 13-a, place de la République, angule de rue du Faubourg du Temple ĉi-Dimanĉe kiel pasintjare.
Esperanto estos unu el la konstruelementoj de la «mondo morgaŭa», ĉi-tion sciigu la Esperantistoj mem.

Raporto pri la manifestacio de 1a Majo 2022 en Parizo.

Kiel pasintjare, ni ĉeestis ĉe Placo de la Respubliko por la manifestacio de la 1a de Majo. Sed ĉi-foje la suno akompanis nin. Kun du standardoj, la granda de SAT-Amikaro, kiun Eriko kuraĝe alportis, kaj tiu de Espéranto-France. Ni disdonis materialojn SAT-Amikaran, kalendaretojn kaj flugfoliojn kiujn Bernard redaktis. Inter ili troviĝas la adresoj de EDE, UFE kaj SAT-Amikaro.

Dankon al ĉiuj partoprenantoj, Elizabet, Eriko, Paskal, Ĵerar, JoPetro, Ghuti, Reĵis, Lionel, feliĉan monaton de Majo,

Lucien.

PS : restas multe da propagandiloj, por esti disdonotaj okaze de estontaj manifestacioj...

Raporto pri la manifestacio de 1a Majo 2021 en Parizo.

« ESPERANTO » 1^er Mai 2021 / 1a Majo 2021

Multe da homoj, el ĉiuj nuancoj sindikataj, de maldekstraj partioj, de ekstrem-maldekstraj kaj aliaj. Multaj manifestaciantoj, el ĉiuj aĝoj, seksoj, landaj devenoj, en agrabla etoso malgraŭ la griza vetero.

Ni, Esperantistoj, komence lokiĝis sur Placo de La Respubliko, kiel anoncite. Ni alvenis, ek de 12h45, kaj iom post iom, ni nombriĝis je deko da, kun bandego «ESPERANTO» de Esperanto-France, kaj afiŝtabuloj de SAT-Amikaro. Ni estis bone videblaj, kaj ni rimarkis la intereson, kiun ni kaŭzis.

Personoj alvenis por interparoli ; menciindas du junuloj, kiujn ni neniam vidis ĝis nun : iu jam bone parolas nian lingvon, la alia lernis sola, kaj hodiaŭ renkontas E-istojn «realajn», je la unua fojo !

Propagandiloj de EDE (Eŭropo Demokratio Esperanto), preparitaj de Bernard, kalendaretoj, propagandiloj de Satam estis disdonitaj.

Ĝis ĉ. 15h ni staris je ĉi-tiu rendevua loko, poste ni provis marŝi surstrate en la manifestacio, sed estis malfacile pro la denseco de la homoj, kaj probable ankaŭ pro fuŝistaj «blakblokoj» kiuj jam ŝtopis ĉiujn. Tial, ni haltiĝis kaj daŭre restis sur placeto, kie ni estis bone videblaj, fotitaj kaj filmitaj de multaj preterpasantoj.

Por fini, ĉ. 16h30, pro laco kaj ekpluveto, ni forlasis la defiliron. Trapasante tra Bd Richard Lenoir, ni preterpasis grupon de motorciklistaj policistoj kiuj surlokis. Unu motorciklisto de la polico demandis al mi, kio estas Esperanto. Do, mi diris la klasikaj klarigojn... kaj la policisto ŝajnis tre interesiĝi.

Poste, ni iris al La Ĉerizejo por redoni la bandegon, kafumi, interparoli.

Dankon al Eriko, Paskal, Ĵerar, Elizabet, Michèle, Kazue, JoPetro, Reĵis, Bernard.

Lucien.

« ESPERANTO » 1^er Mai 2021 / 1a Majo 2021

Lucien Péraire

Régis Fournier — 2024-01-07T17:00:00Z

Kial kaj kiel la juna Lucien Péraire, simpla ĉarpentisto, inter 1928 kaj 1932 vojaĝis bicikle tra Eŭropo, Sovetio, Manĉurio, Japanio, Ĉinio, Franca Hindoĉinio, Kamboĝo, Siamo, Malajaj Ŝtatoj, Javo, Formozo ?

Dank'al la persona arĥivo de Lucien Péraire, donacita al Esperanto-France antaŭ lia morto, kompreneblas ke la respondo dependas de nur du aferoj : Esperanto kaj Esperantismo...

Ĉi-tiu diaporamo da 40 minutoj (70 Mo) montras resume lian aventuron, kaj ekmontras la aktualan aventuron de grupo ĉirkaŭ Pascal Dubourg-Glatigny, historiisto ĉe CNRS, kiu reordigas la originalajn dokumentojn kaj preparas retejon, kiu estos dediĉita al ĉiuj facetoj de tiu eksterordinara aventuro.

Por spekti la filmon, klaki la bildon :

Lucien Péraire

La per-bicikla kaj Esperantista mond-vojaĝo de Lucien Péraire, de 1928 ĝis 1932, resumita per originalaj dokumentoj, kiujn li donacis al Esperanto-France.

Spekti la filmon tutekrane

o-o o-o o-o o-o o-o o-o

Filmoj de la «kvazaŭ-simpozio» de Majo 2021, je la tago kiam estis «malkovrita» la Perer-a arĥivo :

Iom pri Lucien Péraire kaj pri aliaj mondvojaĝantoj

Parto 1)
Régis, helpanto ĉe Esperanto-France :
Malkovri la vizaĝojn de Lucien Péraire. (26 Mo)

Malkovri la vizaĝojn de Lucien Péraire

Régis, helpanto ĉe Esperanto-France, diras kiel li « malkovris » L. Péraire kaj plibonigis sian opinion pri li. (9 minutoj)

Parto 2)
Pascal Dubourg-Glatigny, historiisto :
Amplekso kaj uzeblecoj de la dokumentaro de L. Péraire. (33 Mo)

La dokumentaro de Lucien Péraire

Pascal Dubourg Glatigny, historiisto ĉe CNRS, priparolas pri la amplekso kaj uzeblecoj de la vojaĝnotoj de Lucien Péraire. (18 minutoj)

Parto 3)
Javier Alcalde, sociologiisto :
Portretoj de Esperantistoj mond-vojaĝintaj. (37 Mo)

Fruaj Esperantistaj mond-vojaĝantoj

Javier Alcalde, prof. pri internaciaj rilatoj ĉe Aŭtonoma Universitato de Barcelono, prezentas plurajn mond-vojaĝintojn de pasinta epoko. (26 minutoj)

Parto 4)
Interparolo kun François Lo Jacomo :
Esperantistoj vojaĝas, inter turismo kaj politiko. (30 Mo)

Esperantistoj vojaĝas, inter politiko kaj turismo

Interparolo pri diversaj manieroj vojaĝi ĉe Esperantistoj, pri celoj, okazoj, situacioj, kaj foje en rilato kun politiko. (24 minutoj)

Parto 5)
Javier Alcalde (sociologiisto) kaj Pascal Dubourg-Glatigny :
Pri militoj, malrespektoj, kaj pri respekto. (20 Mo)

Pri militoj, malrespektoj, kaj pri respekto

Javier Alcalde (sociologiisto) kaj Pascal Dubourg-Glatigny (historiisto) respondas al demandoj pri Esperantistoj dum la dua mond-milito, kaj prezentas la retejon « Militrakonto » ĉe mondmilito.hypotheses.org. (17 minutoj)

Parto 6)
Interparoloj kun P. Dubourg-Glatigny, J. Alcalde kaj Fr. Lo Jacomo :
Esperanto-kulturo, Esperantologio, primovadaj studoj.
François Lo Jacomo : konkludaj vortoj. (37 Mo)

Esperanto-kulturo, Esperantologio

Interparolado pri kulturaj aspektoj de Esperantujo kun Pascal Dubourg-Glatigny, Javier Alcalde ; konkludaj vortoj de François, Lo Jacomo (Akademio de Esperanto). (20 minutoj)

o-o o-o o-o o-o o-o o-o

Pri Lucien Péraire ekster ĉi-tiu paĝo :

Vikipedio :
https://eo.wikipedia.org/wiki/Lucien_P%C3%A9raire : La unua interreta paĝo pri Lucien Péraire.

Beletra Almanako - 2022, 16 (43), pp.122-137 :
Realisma kaj vera rakonto pri la mondo : la alveturado de Lucien Péraire orienten (1928-1932), de Pascal Dubourg Glatigny.

Varsovia Vento Elsendoj :
https://www.podkasto.net/2022/11/17/la-160a-elsendo/ : Intervjuo de Pascal Dubourg-Glatigny (Novembro 2022, 15 minutoj).

Revuo Esperanto, n-r^o 12 (1374), dec. 2022, p. 247 :
La revojaĝo de Lucien Péraire.

Revue L'Histoire - n-r^o 511, sept. 2023 :
Article «Utopie, vélo et espéranto».

Festival « Allez Savoir #4 » :
Du 20 au 24 septembre 2023 la 4^e édition du festival de sciences sociales, porté par l'EHESS en partenariat avec la Ville de Marseille, avait pour thème « Voyage en Utopies ». Dans la partie de programme Sur les traces d'un espérantiste anticolonialiste, le Vietnam à vélo, M^me Phuong Ngoc Nguyên, Maître de conférence, a présenté le passage de Lucien Péraire en Indochine française en 1931, et a spécialement montré le regard que la presse annamite de l'époque porta sur lui.

Radio Libertaire / Radio Esperanto - 8 déc. 2023 :
Lucien Péraire 2023-12-08 (extrait de 44 minutes relatif à Lucien Péraire dans l'émission bilingue fr+eo / 44 minutoj pri Lusjen Perer, el la tuta radioelsendo dulingva fr+eo).

Radio-Esperanto (Radio Libertaire) Parizo, 8 Dec. 2023

GEP - Saluton ! - 2010 :
La page d'entrée du Groupe Espérantiste Périgourdin http://esperanto-gep.asso.fr/eo-akceptejo.html donne quelques informations d'actualité au sujet de Lucien Péraire.
Dans les archives du GEP : deux émissions «Saluton !» qui commencent par quelques minutes d'un résumé de l'aventure de Lucien Péraire dit par Ange Mateo : Saluton ! 41, Saluton ! 42.

Ekspozicio :
Lucien Péraire kun lia rel-biciklo en la trajno-stacio Versailles Chantiers, de 12 Aprilo ĝis 29 Majo 2023 !
En la stacidomo videblis 4 paneloj je 144x72cm kun fotoj kaj klarigaj tekstoj pri Lucien Péraire, lia speciala biciklo, lia celo, liaj notoj kaj diversaj dokumentoj priaj. Tiuj kvar paneloj estis parto de fota ekspozicio pri diversaj sciencaj nuntempaj pristudoj kiuj rilatas kun objektoj je historia heredaĵo ; unu el tiuj programoj, nomita «Savespo», celas disponigi per interreto al ĝenerala publiko kaj al sciencistoj la multajn vojaĝ-notojn kiujn Lucien Péraire redaktis dum kaj post lia perbicikla vojaĝo. Tiu ekspozicio titolita «Objektoj de kulturo, materioj, diverseco» estis kreata de DIM PAMIR kun SNCF, kun helpo de Land-Regiono Francilio kaj de CNRS.

Lire la version en français de cette page : Lucien Péraire

ĈĜĤĴŜŬĉĝĥĵŝŭ

Vidi konektite : Teksto de la filmeto

Tanzanio

Didier Janot — 2023-06-17T04:00:00Z

John Magessa, Ĝenerala Sekretario de Esperanto-Tanzanio kaj ĉeforganizanto de la Universala Kongreso 2024 prezentos sian landon.

Ĵaŭde la 29an de junio 2023 je la 7a posttagmeze.

Espéranto-Paris
4bis rue de la Cerisaie (entrée à l'angle de la rue Jacques Cœur)
75004 Paris (métro Bastille ou Sully-Morland)

Post la prezento mi kune manĝos : portu manĝaĵojn kaj trinkaĵojn por dividi.

Usona vespero

Didier Janot — 2023-05-24T17:33:51Z

Okaze de vizito en Parizo de David Dougherty, usona esperantisto, neformala vespero en Café des Phares, placo Bastille, sabato 27 majo 2023, 19:00.

Por ĉiuj ! Ĉiu pagas sian mendon.

Semajnfino kun niaj romaj amikoj

Didier Janot — 2023-03-06T19:28:28Z

Romo kaj Parizo estas ĝemelaj urboj !

Vendredon 17, sabaton 18 kaj dimanĉon 19 marto 2023, niaj romaj amikoj renkontos nin en Parizo.

Aliĝilo por partopreni : https://forms.gle/49rBvp3JottM5BMh8

Mikaelo Bronŝtejn prelegas en Parizo

Didier Janot — 2023-02-01T06:58:58Z

Mikaelo Bronŝtejn, rusia kantisto, komponisto, tradukisto, verkisto, el Sankt-Peterburgo, prelegos en Parizo pri sia romano

Mi stelojn jungis al revado – Ekflugo kaj falo de SEU (Sovetrespublikara Esperantista Unio, la plej forta landa Esperanto-asocio)

La unuan Laŭron de la Akademio ricevis en 2021 Mikaelo Bronstejn pro tiu ĉi romano. Surbaze de multjara esplorado tra amaso da fontoj, ĝi fidinde montras la naskiĝon de du proletaj Esperanto-organizaĵoj, SAT kaj SEU, iliajn interrilatojn, la dudekjaran marŝadon de Sovetrespublikara Esperantista Unio supren – al la zenito de sia gloro – kaj poste suben – al plena pereo, konvinke prezentante la kaŭzojn de tiaspeca finalo.

Sabato 18 februaro 2023 – 17:00

En la sidejo de SAT-Amikaro
134 boulevard Vincent-Auriol
75013 Paris
Metroo Nationale