Sabaton la 5an de Junio la ĝemelaj urboj Romo kaj Parizo kunvenis per Zoom kaj festis sian unuan jaron da fruktodona laboro. Partoprenis en tiu jubilea babilrondo ĝis 19 homoj samtempe el diversaj landoj : Italio, Francio, Svislando, Litovio, Britio. Ni aparte ĝojis pri la ĉeesto de du Japanaj amikoj kiuj provis nian babilrondon malgraŭ la malfruega horo ĉe ili.

Ni denove parolis pri la plej furora temo de nia unua sezono, hejmbestoj. Ĉiuj kontribuis en agrabla kaj amika etoso. Krom katoj kaj hundoj, pluraj parolis pri akvarioj kaj maraj aŭ dolĉakvaj fiŝoj. Ni malkovris, ke en kamparoj katoj tro multobliĝas kaj pluraj urboj organizas steriligo-kampanjojn. Kelkaj dividis kortuŝajn rakontojn pri forpasintaj hejmbestoj.

La unua sezono de la ĝemelaj urboj Romo kaj Parizo finiĝos sabaton la 12an de junio per dua legoklubo. Tiuokaze ni invitos Laure Patas d’Illiers.

La dua sezono konsistos el reta monda turneo kiu komenciĝos en Azio. Ni renkontos Tokion en septembro. Pliaj informoj publikiĝos poste.